Homenaje al Sobrepuerto
Homenaje al Sobrepuerto. Pueblos que quedaron muertos y abandonados alrededor de la década de los 70, cuando sus gentes se fueron a la capital o a los pueblos de colonización de los riegos en los Monegros, en busca de una vida mejor y con más acomodos.
Ya no resuenan as campanas,
ni se sienten cantar os gallos,
ni fumían as chamineras,
en os lugars y as pardinas.
Etrás d’as puertas trancadas
se quedón muitas historias,
chanzas, goyos y charadas,
sudors, penas y glarimas.
Dende entonces ya no se veyen,
as mozas en as ventanas,
ni as rondas por as carreras,
ni as lolas en as solanas.
Chelos, nevatas y plevidas,
treballando a trote y moche,
afundiendo casas y buerdas,
deixando os quartos a l’aire.
Muntonadas de pedregals,
plazas y carreras enronadas,
ya no fumían as chamineras
y as torres sin campanals.
No esvolastian os paixaricos,
ni tienen paretz pa fer niedos,
corridoyas, pardals, falcinyos,
tordas, cardelinas y craberos.
Os barzals, os artos y os buixos,
medran y tancan os camins,
sinyals de vida en atros tiempos,
agora sin aliento por istos confins.
O silencio reina por as costeras,
pinars, vals y barranqueras;
os cielos, en as nueitz serenas,
plens de relucients estrelas.
Lugars de Sobrepuerto:
siempre en os nuestros peitos,
as acordanzas indo por as roinas,
con os nuestros espritus y suenios.
